Innocentius, Alexandro episcopo. Quam grata mihi quam pia, quam necessaria legatio a tua sanctitate frater karissime ad nos directa fuerit, gestorum ipsorum replicatione cognosces. Voluit enim conpresbiter noster Casianus hanc amicitiarum nostrarum paginulam per conpresbiterum nostrum Paulum Nicolaum diaconum et Petrum subdiaconum filios nostros, quasi primitias pacis nostrę conscribi. Saluto itaque et tuam mihi in Christo germanitatem, et omnem illam que tibi bene sentit ecclesiam, nosque ut facitis et alloquamini peto crebrius litteris, et frequentius de vestra salute laetificetis. Dabit enim ut confido dominus totius nos praeteriti temporis dispendia, amantissimo litterarum colloquio repensare.
Stand: 2008-03-02