Item decretorum pape Gregorii iunioris

Supra ad Reccaredum regem Gothorum Zurück zur Übersicht Zurück zur Hauptseite Volltextsuche
ITEM DECRETORUM PAPE GREGORII IUNIORIS.

I.
Ut nullus audeat presbiteram in coniugio ducere.

II.
Item de diacono.

III.
Item monacha quam dei ancillam appellant.

IIII.
Item de commatre spiritalia.

V.
Item de fratris uxorem.

VI.
Item de nepta.

VII.
Item de noverca aut nurum.

VIII.
Item de consobrina.

VIIII.
Item de proprio cognatione vel quam cognatus habuit.

X.
Ut viduam nemo furet in uxorem.

XI.
Item ut virginem nemo furet in uxorem.

XII.
De aruspicibus vel incantatoribus seu filacteria.

XIII.
De precepta ecclesię observandum.

XIIII.
De Adriano filio Exilarati.

XV.
De Epiphania diacona.

XVI.
Ut nullus audeat eis ascensu tribuere.

XVII.
De coma clericis non relaxandum.
INCP CONSTITUTA PAPE GREGORII.

IN NOMINE DOMINI DEI SALVATORIS NOSTRI IESU CHRISTI imp dnn piissimo augusto Leone a deo coronato magno et pacifico imperatore anno sexto post consulatum vero eius anno sexto decimo sed et Constantino novo eius filio anno secundo secundo [a] mense aprile indictione quarta. ||fol. 185rb|| Praesidente sanctissimo Gregorio apostolico papa in basilica beati Petri apostolorum principis ante confessionem. Consedentibus etiam sanctissimis episcopis.

Agnellus Ferentinati
Iohannes Belliternensi.
Vitale Alatrino.
Oportuno Mauturianensis.
Mauritiano Gabus.
Georgio Portuensi.
Tiberio Silvacandida.
Gregorio Anagnias.
Georgio Nepe.
Iohanne Signias.
Andrea Albanensi.
Agnello Sutrino.
Tribunatio Falaris.
Anastasio Tiburtino.
Iohanne Blerano.
Uviliarit Narniensi.
Sergio Penestrino.
Petro Amerino.
Sinderedo archiepiscopo Spanie.
Sedulio episcopus Brittanię.
Fergusto episcopus Scottię.
Et Mavirino Polimartii seu venerabilibus presbiteris.
Sisinnio Iohanne.
Item Iohanne Eustratio.
Georgio Thalasio.
Marino Constantino.
Gregorio Iohanne.
Epiphanio Marino.
Et Iohanne et Iohanne.
Adstantibus autem diaconibus.
Petrus archidiaconus.
Georgius Maschoseu.
Benedicto diaconibus vel cuncto clero.


GREGORIUS SANCTISSIMUS AC BEATISSIMUS PAPA DIXIT:

Cum simus dominice plebis superna miseratione rectores studiosius nos convenit dei praesidium pro eorum sepe cogitare salutem. Ne de creditis frustratisque quod absit animalibus insidiis antiqui hostis, ante omni ||fol. 185va|| pastorem nisi suam cędat pręveniendo de offensis correctio destrictam cogamur solvere rationem, dumque perpendo vel ad animarum reduco, quanta circumspectione nos oporteat in vigilando, contra sui cuique sceleris nequitiam obviare. Et si quando insilierit ad perturbandas fidelium mentes adiutorio, superno ictui eius resistere. Valde concutior atque nimis tabesco, ne serpentina calliditate quod absit leviores quosque decipit. Deo vero favente sollicitudine nimia freti. Anime quiori [b] mente divino iuvamine pro salute omnium studere debemus, ut inconfuso vultu, non de fraude cuiusquam perculsi adsistere aeterno iudici mereamur, et vocem audire inquientem: Euge serve bone et fidelis, quia super pauca fuisti fidelis supra multa te constituam intra in gaudium domini tui. Hinc namque est quod ingemiscens dico, quia populi christiani aliquos per provintiam Italiam commorantes audio temere contra catholicam fidem et patrum statuta patrare, ita ut deo sacratas feminas ducere pręsumant mulieres et propinquas coniugio socient. Quod oportunum est spiritali amputari mucrone, atque si vestrę placet sanctitati radicitus evelli, ne seges boni [c] agricole zizaniorum mixta orrentibus frutectis sordescat.


SANCTISSIMI EPISCOPI SEU VENERABILES PRESBITERI RESPONDERUNT:

VERE COGNOSCIMUS GRATIA SANCTI SPIRITUS COR apostolatus vestri, succensum ut tante miserię squalores a fidelium mentibus detergantur. Et quasi vulnus corpori infixum aditu talis miserie obserato salutari antidoto curetur, sicut bene pręvisum est interdictione anathematis. Ne denuo quispiam hoc Romanus Langobardus [d] vel cuiuscumque sit gentis sacrique baptismatis unda lotus attemptet, ut non tanti piaculi mole oppressus precipitatione incitat, aut voragine mergatur iniquitatis, vitari debeat, atque radicitur evellatur.


POS [e] HANC OMNIUM CONSONAM RESPONSIONEM.

Gregorius apostolicus papa, ante corpus memoratum venerabilis Christi apostolorum principis inferendo sententiam dixit:


I.

Si quis presbiteram duxerit in coniugium anathema sit, et responderunt omnes tertio: Anathema sit.


II.

Si quis diaconam duxerit in coniugium anathema sit et responderunt omnes tertio: Anathema sit.

||fol. 185vb||

III.

Si quis monacham quam dei ancillam appellant in coniugium duxerit, anathema sit. Et responderunt omnes tertio: Anathema sit.


IIII.

Si quis cummatrem spiritalem duxerit in coniugium anathema sit. Et responderunt omnes tertio: Anathema sit.


V.

Si quis fratris uxorem [f] duxerit duxerit [g] in coniugium anathema sit. Et responderunt omnes tertio: Anathema sit.


VI.

Si quis neptam duxerit in coniugium anathema sit. Et responderunt omnes tertio: Anathema sit.


VII.

Si quis novercam aut nurum suam duxerit in coniugium anathema sit. Et responderunt omnes tertio: Anathema sit.


VIII.

Si quis consobrinam duxerit in coniugium anathema sit. Et responderunt omnes tertio: Anathema sit.


VIIII.

Si quis de propria cognatione vel quam cognatus habuit duxerit uxorem anathema sit. Et responderunt omnes tertio: Anathema sit.


X.

Si quis viduam furatus fuerit in uxorem vel consentiens ei anathema sit. Et responderunt omnes tertio: Anathema sit.


XI.

Si quis virginem nisi desponsaverit rapuerit vel furatus fuerit in uxorem vel consentiens ei anatħ, et responderunt omnes tertio: Anatħ.


XII.

Si quis ariolis aruspices vel incantatores observaverit aut filacteris usus fuerit anatħ. Et responderunt omnes tertio: Anatħ.


XIII.

Si quis in quoquam partem vestrę praecepta ante emissa apostolicę ecclesię [h] de olivetis et locis diversis temeraverit et non in omnibus observaverit anatħ, et responderunt omnes tertio: Anatħ.


XIIII.

Adriano filio Exhilarati, qui post praestito sacramento in apostolica confessione Epiphaniam diaconam inlicito ausu in uxorem habet anatħ, et responderunt omnes decies: Anatħ sit.


XV.

Epiphania diacona qui prae praestito sacramento, cum Adriano Exhilarato [i] filio fuga lapsa est in uxorem anathema sit. Et responderunt omnes tertio: Anathema sit.


XVI.

Si quis ex eis in tam crudeli actu assensum praebuit anatħ. Et responderunt omnes tertio: Anathema sit.


XVII.

Si quis ex clericis laxaverit comam anathema sit. Et responderunt omnes tertio: Anathema sit.


Gregorius episcopus catholicę atque apostolicę Romane ecclesię huic constituto a nobis promulgato scripsi. Agnellus episcopus sanctę ecclesię Ferientinensis, huic constituto a nobis promulgato subscripsi. Iohannes humilis episcopus sancte ecclesię Belliternensis, huic constituto a nobis promulgato susscripsi, et ceteri episcopi numero viginti. Et presbiteri numero XIIII. Et diaconi numero IIII. Die nonas aprilis imp dnn piissimo augusto Leone a deo coronato magno imp anno sexto pc eius anno sexto, sed et Constantino novo imp eius filio anno secundo indictione quarta. Expliciunt constituta pape Gregorii sub anathemate interdicta.

EXPLICIT.

Stand: 2008-03-02