Concilium Gerundense

Concilium Tarraconense Zurück zur Übersicht Concilium Cesaragustanum Zurück zur Hauptseite Volltextsuche
INCIPIT CONCILIUM GERUNDENSE SEPTEM EPISCOPORUM HABITUM ERA DLV. TITULI EIUSDEM CONCILII, [a] INCIPIUNT.

I.
Ut unaquaeque provintia in offitio ecclesiae unum ordinem teneat.

II.
Ut letaniae post pentecosten a quinta feria usque in sabbato celebrentur.

III.
De secundis laetaniis faciendis kalendarum.

IIII.
Ut pascha tantum et pentecosten baptismum detur, excepto his qui in languore consistunt.

V.
Ut unius diei infans si in discrimine est baptizetur.

VI.
Ut coniuncti ab episcopo usque ad subdiaconum, non sine testimonio vivant.

VII.
Ut qui sine uxoribus ordinantur, extraneas in domo non habeant.

VIII.
De laicis qui viduam, aut dimissam acceperit, ut in clero non admittatur.

VIIII.
De his qui publice paenitentiam non accipiunt, sed tantum viaticum, ut in clero promoveantur.

X.
Ut omnibus diebus horis vespertinis et matutinis oratio dominica dicatur.

IN NOMINE CHRISTI INCIPIT SYNODUS HABITA Gerunda anno septimo Teuderici regis, VI iđ iun Agapeto viro clarissimo consule.


I.
fehlt

Ut institutio missarum sicut in metropolitana ecclesia agitur, ita in dei nomine in omni Tarraconense provintia, tam ipsius missae ordo, quam psallendi vel ministrandi consuetudo servetur.


II.
fehlt Ut expleta sollempnitate pentecostes, in sequenti septimana a quinta feria, usque in sabbatum per hoc tri||fol. 59va||duum abstinentia celebretur.

III.
fehlt

Item secunda laetania facienda est kalendis novembribus, ea tamen conditione servata, ut si isdem diebus dominica intercesserit, in alia ebdomada, secundum prioris abstinentiae observantiam, a quinta feria incipiatur, et in sabbato vespere missa facta finiatur, quibus tamen diebus a carnibus et a vino decrevimus abstinendum.


IIII.
fehlt

De caticuminis baptizandis id statutum est, ut in paschę sollempnitate vel pentecosten ad baptizandum veniant [b]. Ceteris sollempnitatibus infirmi tantummodo debeant baptizari. Quibus quocumque tempore convenit baptismum non negari.


V.
fehlt

De conversatione id statui [c] placuit ut a pontifice usque ad subdiaconum post suscepti honoris offitium, si quis ex coniunctis fuerit ordinatus, ut semper testimonio alterius fratris utatur, cuius testimonio vita eius debeat clarior apparere.


VI.
fehlt

De parvulis qui materno utero editi sunt placuit constitui, ut si infirmi ut adsolent fuerint, et lac maternum non appetunt, etiam eadem die qua nati sunt, si oblati fuerint baptizentur.


VII.
fehlt

De his qui sine uxoribus ordinantur, et familias domus habent habito secum pro vitae conversatione patre in testimonium, non per quamcumque feminei sexus personam eius substantia gubernetur, sed per puerum aut per amicum suam domum debet ordinare. Nisi matrem in domo habuerit aut sororem, ut secundum priorum canonum statuta, per earum personas eius debet contutari substantia.


VIII.
fehlt

Si quis de laicis post uxorem, aliam cuiuscumque conditionis cognoverit [d] mulierem, in clero nullatenus admittatur.


VIIII.
fehlt

Is vero qui egritudinis languore depressus, paenitentiae benedictionem quam viatico deputamus per communionem acceperit, et postmodum reconvalescens caput pęnitentiae in ecclesia publice non subdiderit, si prohibitis vitiis non detinetur obnoxius, admittatur ad clerum.


X.
fehlt

Id semper placuit observari omnibus diebus post matutinos et vesperas oratio dominica a sacerdote proferatur.


XI.
fehlt

Iohannes in Christi nomine episcopus, subscripsi. Frontianus episcopus, subscripsi. Paulus episcopus, subscripsi. Agricius episcopus, subscripsi. Cinidius episcopus, subscripsi. Nibridrius [e] episcopus, subscripsi. Orontius, episcopus, subscripsi.

Stand: 2008-03-02