PRIMA SYNODUS NICENA EST ACTA TEMPOribus divae memoriae Constantini, in qua praesedit, Silvester Romanus episcopus, et Alexander Constantinopolitanus cum patribus CCCXVIII, et dampnaverunt Arrium.
SECUNDA SYNODUS CONSTANTINOpolitana est acta temporibus divae memoriae Theodosii, in qua praesedit Damasus Romanus episcopus, una cum aliis sanctis patribus CCCL et anathematizarunt Macedonium.
TERTIA SYNODUS EPHESENA prima, est acta temporibus divae memoriae Theodosii minoris, in qua praesederant Caelestinus Romanus episcopus, et Cyrillus Alexandrinus, una cum aliis sanctis patribus, et anathematizarunt Nestorium.
QUARTA SYNODUS CALCIDOnensis est acta temporibus divae memoriae Martiani imperatoris, in qua praesedit papa Leo, et Flavianus Constantinopolitanus, una cum aliis sanctis patribus DCXL et dampnaverunt Euticen.
PRIMA SYNODUS IN NICEA, CCCX et VIII patrum contra Arrium Alexandrinum presbiterum, qui tres gradus in trinitate asserebat, patrem scilicet maiorem filium minorem spiritum sanctum creaturam, temporibus Constantini principis, Silvestri papae Romani, Macharii Hierusolimitani, Alexandri Alexandrini qui condempnata heresi, statuerunt canones XX quorum auctor maxime prefatus sanctus Alexander episcopus fuit.
SECUNDA IN CONSTANTIPOLIM [a] CL patrum contra Macedonium Constantinopolitanum episcopum, qui negabat spiritum sanctum deum esse, temporibus Gratiani et Theodosi principum, Damasi papae famam Cyrilli Hierusolimitani Nectarii Alexandrini, qui condempnata here [b], statuerunt canones III quorum maxime auctor beatus Nectarius Constantinopolitanus episcopus fuit.
TERTIA IN EPHESO CC PATRUM ||fol. 1vb|| contra Nestorium Constantinopolitanum episcopum, qui dicebat beatam virginem Mariam non dei sed hominis tantummodo gentricem ut aliam personam carnis, aliam faceret deitatis. Temporibus Theodosi [c] magni principis, Caelestini papae Romani, Iuvenalis Constantinopolitani, Cyrilli Alexandrini, qui XII capitula contra Nestorii blasphemiarum totidem capitula auctore eodem sancto Cyrillo anathematizando conscripserunt.
QUARTA IN CALCEDONE DCXXX patrum contra Euticen Constantinopolitanum abbatem, qui asserebat Christum post humanam assumptionem non ex duabus naturis existere, sed solam in eo divinam naturam permanere, temporibus Marciani principis, Leonis papae Romani, Iuvenalis Hierusolimitani, Anatholii Constantinopolitani, qui condempnata heresi statuerunt canones XXVII, quorum auctor maxime idem sanctus Anatholius Constantinopolitanus episcopus fuit.
QUINTA IN CONSTANTINOPOLIM contra Theodorum mops [d] Vestinum et omnes hereticos, qui Theodorus dicebat alium esse deum verbum et alium Christum et sacram virginem Mariam negabat dei genetricem fuisse temporibus Iustiniani principis, Vigilii papae Romani Domnini Antiocheni, Eutichii Constantinopolitani, qui XIIII capitula anathematizando scripserunt contra Theodori [e] et sociorum eius blasphemias.
SEXTA IN CONSTANTINOPOLIM CL patrum contra Macharium Antiochenum episcopum et socios eius qui unam voluntatem et operationem in Christo, falsa suspicione adstruebant, temporibus Constantini principis Agathonis papae Romani, Georgii Constantinopolitani, qui condempnata heresi anathematizando scripserunt VIIII capitula.
Stand: 2008-03-02