Köln 124

(3.55) LV Item ex capitularibus domni Karoli et Ludowici.
(3.56) LVI Item in eodem ex lege veteris testamenti.

[Köln, fol. 121r]

(2.89)
LV
Item ex capitularibus domni Karoli et Ludowici.
Pręcipimus, ut nullus laicorum vel clericorum ex praediis vel rebus, quę ad sedes pertinent episcoporum sive de illis ęcclesiarum rebus, quę in eorum parroechiis site esse noscuntur, sine illorum iussione ac consensu episcoporum, ad quorum pertinent curam, quicquam ambiant, concupiscant atque accipiant; ne cupidus sanctarum rerum ignis, qui in eis est, illos favillosius exurere possit; similiter omnes monemus, ut a cuncta

[Köln, fol. 121v]
ecclesiarum omnium vastatione coercere se suosque compescere totis viribus studeant. Nam devastantes ecclesias quid aliud intellegimus, quam contra illum ęterni imperii deum et maiestatis homines movere certamen, cum ille aedes illi die noctuque famulentur et illi sint consecute? Videant vastantes, quę pronuntiamus, ne ab illo, si se commoveant, vastentur, cuius percussionem montium dorsa ferre non possunt.

(2.51)
LVI
Item in eodem. Ex lege veteri testamenti.
Cum voveris votum domino deo tuo, non tardabis reddere, quia requiret illud dominus deus tuus. Et si moratus fueris, reputabitur tibi in peccatum, donec facias, quod ore proprio domino promisisti.